1,434 Бардыгы /

          ОШ. Кыргызстандын Түштүк башкалаасында алгачкы ирет  “Amanat City Run” эл аралык массалык жарым марафону ийгиликтүү аяктады.

          Жарышта Кыргызстан, Өзбекстан, Казакстан, Орусия, жакынкы жана алыскы чет өлкөлөрдөн келишкен 500дөй адам күч сынашты. Жөө күлүктөр 3, 10,5 жана дагы 21 чакырым аралыктарды багындырышты. Ошондой эле 3 жаштан 10 жашка чейинки “Amanat Kid’s Run” балдардын жарышы дагы өткөрүлдү. Жеңүүчүлөр медаль, акчалай сыйлыктар жана демөөрчүлөр тарабынан баалуу белек-бечкектер менен сыйланышты.

          “Amanat City Run” эл аралык массалык жарым марафонун Ош шаарынын мэриясынын колдоосу аркасында «Аманат сити” курулуш компаниясы уюштурду.

Алишер ТОКСОНБАЕВ, өз кабарчы