654 Бардыгы /

Ноокат райондук жарандардын абалын каттоо, калкты паспорттоштуруу жана каттоо бөлүмүндө башка аймактардагыдай тыгын жана дагы упузун кезек жок. Мекеме жаңы имаратына көчүрүлгөндөн бери анда эмгектенгендердин дагы түйшүгү ого бетер жеңилдеди…

          Айгүл АБДЫШОВА, Ноокат райондук жарандардын абалын каттоо, калкты паспорттоштуруу жана катттоо бөлүмүнүн жетектөөчү адиси: – Биз ар бир кардарыбыздын муң-зарын дыкаат гана тыңдап жатабыз. Ошондон кийин булардын баш ооруткан маселесинин бир  жаңсыл чечилишине түздөн-түз көмөктөшөбүз. Көрбөдүңүздөрбү? Жаңы имаратка көчкөнүбүздөн бери бизде таптакыр тыным жок! Кезек эмне экендигин дагы унуттук…

          Санабар МАТРАИМОВА, Ноокат районундагы Бел айылынын тургуну: – Неберемдин метрикасына (туулгандагы тууралуу күбөлүгүнө) келдим эле. Азаматтар! Мендей карыган кемпирди калжаңдатып ары-бери темселетишпестен өтө тез бүтүрө салышпадыбы. Эми, куда кааласа, жаңы төрөлгөн небереме 4 миң сом сүйүнчү пул дагы алабыз. Мен мынча  каражатты жалаң жакшылыктарга гана сарптайбыз деген ниеттемин.

          Машрабидин УРАИМОВ, Ноокат шаарынын тургуну: – Туулгандыгы тууралуу күбөлүгүмдү ката жазып ташташыптыр. Муну ашкерелеген расмий кагаздарымды көрсөттүм эле, эки жакка чапкылатпастан бүтүрүп, жаңысын дароо колума карматышты. Мүмкүнчүлүктөн пайдаланып, Ноокат райондук жарандардын абалын каттоо, калкты паспорттоштуруу жана катттоо бөлүмүнүн бардык кызматкерлерине терең ыраазычылыгымды гана билдирем! Чоооң ыракмат!

          Ирсалат АСКАРОВА, Ноокат райондук жарандардын абалын каттоо, калкты паспорттоштуруу жана катттоо бөлүмүнүн башкы адиси: – Биздин жетекчибиз азыр отпускеде. Шартка байланыштуу анын милдетин мен убактылуу гана аткарып жатамын. Мекемебизде 12 кызматкер эмгектенет. Баарынын тең билими жогорку. Анан дагы өз ишинин такшалган адистери. Кардарларыбызга ар дайым сылык-сыпаа мамиле жасашып, анан дагы маданияттуу гана тейлеп келатышат.

          Баса, Ноокат райондук жарандардын абалын каттоо, калкты паспорттоштуруу жана катттоо бөлүмүнүн жаңы имараты Ноокат шаарынан окчун жерде, район борборунун чекесинде гана жайланышкан. Бул жакка чакан маршкурткалардын каттоосу дагы үзгүлтүскүз уюштурулган. Убара чекпейсиң. Анын жолкиреси дагы абдан арзан…

          Алишер ТОКСОНБАЕВ, өз кабарчы, Ош облусу