624 Бардыгы /

Кытай Эл Республикасынын Синьцзян-Уйгур автономиялык районунун Коомдук коопсуздук департаментинин чакыруусу менен 2023-жылдын 19-июнунан 23-июнуна чейин Кыргыз Республикасынын ички иштер министринин орун басары, милициянын генерал-майору Октябрь Урмамбетов башында турган Кыргыз Республикасынын Ички иштер министрлигинин делегациясынын Кытай Эл Республикасына иш сапары барышты.
ИИМдин басма сөз кызматы билдиргендей, иш сапардын негизги максаты – Кыргыз Республикасынын ИИМдин чек арага чектеш бөлүктөрү менен КЭР СУАРдын ортосундагы тажрыйба алмашуу жана кызматташтыкты бекемдөө, Кытай полициясынын ишмердүүлүгүн санариптештирүү боюнча жаңы жетишкендиктерди изилдөө, учкучсуз учуучу аппараттарды колдонуу менен полициянын иши менен таанышуу, диний экстремизмге каршы күрөшүү ыкмаларын изилдөө, оор жана өзгөчө оор кылмыштарга каршы күрөшүү ыкмалары менен таанышуу, коомдук тартипти сактоону уюштуруу, массалык башаламандыктарда полициянын аракеттери жана колдонулган ыкмалары жана каражаттары менен таанышуу болду.
Иш-чаранын жүрүшүндө кыргыз тарап Кыргыз Республикасынын Ички иштер
министрлиги менен Кытай Эл Республикасынын Синьцзян-Уйгур автономиялык
районунун Коомдук коопсуздук департаментинин ортосундагы чек ара
бөлүктөрүнүн кызматкерлерин өз ара окутууну жана квалификациясын
жогорулатууну уюштуруу боюнча кызматташууну мындан ары бекемдөөнү
сунуштады. Сапардын алкагында Коомдук коопсуздук департаментинин Урумчи шаарындагы Командалык борбору жана Кызылсуу-Кыргыз автоном округунун Антитеррор борборунун иши менен таанышышты. Мындан тышкары Кытай тарап атайын багыттагы отряддын (спецназ), ошондой эле коомдук тартипти сактоо боюнча кызматтардын (Атайын багыттагы полктун аналогу) даярдыгын жана ишин жана алардын массалык башаламандыкка аракеттерин көрсөттү.
Иш сапардын жыйынтыгында Кыргыз Республикасынын Ички иштер министрлиги
менен Кытай Эл Республикасынын СУАР коомдук коопсуздук департаментинин
ортосундагы чек ара бөлүктөрүнүн кызматкерлери үчүн окууларды уюштуруу
боюнча кызматташууну мындан ары бекемдөө жөнүндө макулдашылды.