759 Бардыгы /

ОШ. УКМКга караштуу мамлекеттик Чек ара кызматы Кыргыз-Кытай чек арасындагы “Торугарт” жана “Эркечтам” өткөрмө бекеттеринин ишине ушул жылдын 6-августунан тартып убактылуу өзгөртүү киргизилгендигин шардлана кылды. Буга ылайык, аталган өткөрмө бекеттери жумасына жети күн бою эртең мененки саат сегизден кечки саат сегизге дейре туруктуу иштешет. .

Баса, жети күн бою тең жүк ташыган машиналар өткөрүлөт. Ал эми дүйшөмбүдөн жумага чейин (дем алыштан башка күндөрү) туристтерге, жеңил машиналарга жана жөө адамдарга өтүүгө гана уруксат берилет. Мындан тышкары ишемби жана жекшемби күндөрү жүк ташыган гана машиналар өтө алышат жана мындай режим ушул жылдын 30-сентябрына чейин дагы улантылат. Кыргыз-Кытай чек арасындагы өткөрмө бекеттердеги кыймылга пандемия учурунда атайын чектөөлөр киргизилген. Расмий маалыматка караганда, мунун кесепетинен Кытайдан Кыргызстанга импорт эки эседен көп өлчөмдө азайган. Чек арадан өткөн жүк ташуучу машинелердин саны дагы он эсеге кыскарган.

Ал эми үстүбүздөгү жылдын март айынан баштап Бишкек-Кашкар багытындагы автобустар каттай баштаган. Быйыл жыл башынан тартып Кытайдын бийлиги кыргызстандык айдоочуларга виза берүүнү дагы көбөйткөн.

Алишер ТОКСОНБАЕВ, өз кабарчы