486 Бардыгы /

БИШКЕК. КР Экономика жана коммерция министрлиги учурда республиканын аймактарында 1-сорттогу унга болгон баалардын абалы туруктуу, сатып алуучулар арасында эч кандай шашылыш жок, ата мекендик өндүрүштүн 1-сортундагы ундун 1 капка болгон баасы 1500 сомду түзөөрүн маалымдады. Бул тууралуу аталган министрликтин басма сөз кызматы билдирди.

Маалыматка ылайык, кечээ 27-сентябрда Кыргыз Республикасынын Экономика жана коммерция министрлигинин, Кыргыз Республикасынын Өзгөчө кырдаалдар министрлигине караштуу Мамлекеттик материалдык резервдер фондунун, Кыргыз Республикасынын Экономика министрлигине караштуу Монополияга каршы жөнгө салуу кызматынын жана Кыргыз Республикасынын ун комбинаттарынын ассоциациясынын өкүлдөрүнүн брифингинде айтылды.

Белгиленгендей, өлкөнүн азык-түлүк коопсуздугун камсыз кылуу жана унга рыноктук бааны турукташтыруу максатында:

– Кыргыз Республикасынан айыл чарба товарларынын айрым түрлөрүн экспорттоого (экспорттоого) алты айлык мөөнөткө убактылуу тыюу салуу жөнүндө» Кыргыз Республикасынын Министрлер Кабинетинин токтому кабыл алынып, экспортко, транзиттик, ошондой эле Кыргыз Республикасынын Министрлер Кабинети тарабынан көрсөтүлүүчү гуманитардык жардамга) айыл чарба продуктыларынын айрым түрлөрүнүн товарларын, атап айтканда буудай унун Кыргыз Республикасынын аймагынан тышкары жерлерге алып чыгууга тыюу салынат.

Мамлекеттик дан резервинен азык-түлүк буудайын чыгаруу боюнча буйрук даярдалды. Бул буйрук кабыл алынып, учурда тиешелүү мамлекеттик органдар тарабынан аткарылууда.

Белгилей кетсек, учурда ата мекендик өндүрүүчүлөрдүн уну өлкөнүн бардык аймактарындагы түз сатуу пункттарында сатылууда. Биринчи сорттогу 1 кап ундун баасы 1500 сом (тизме тиркелет).