834 Бардыгы /

ЖАЛАЛ-АБАД. Ички иштер министри милициянын генерал-лейтенанты Улан Ниязбековдун 7 багыттагы приоритеттүү тапшырмаларынын негизинде Ноокен райондук ички иштер бөлүмүнүн имаратынын ички бөлүгү жана сырты оңдоп-түзөөдөн өткөрүлдү.

Жалал-Абад ОИИБдин басма сөз кызматы билдиргендей, Ноокен РИИБдин имаратынын терезелери пластиктен жасалып, эшиктери алмаштырылды. Окуу бөлмөсү заманбап стол, стулдар менен камсыздалды. Жазуулары жаңыдан жазылып, керилме шыпталар тартылды. Бардык электр чубалгылары алмаштырылып, кайрадан монтаждоо иштери жүргүзүлдү. Кызматкерлердин окуу машыгуусун өткөрүүчү жайга асфальт төшөлүп, сызыктары жаңыдан чийилди. Имарат алдындагы жер тилкеси айдалып, көрктөндүрүүгө даярдалды. Ремонт иштери ИИМдин жана жеке демөөрчүлөрдүн колдоосу менен ишке ашты.

Жергиликтүү бийлик өкүлдөрү менен биргеликте жыл башынан тарта 30 жерге видеокамералар орнотулуп, милициянын нөөмөт бөлүмдөрүнө туташтырылган. Коомдук жайлардагы тартипти нөөмөттө турган кызматкерлер көзөмөлгө алып турат. Жалпысынан азыркы учурда район аймагында 219 видеокамералар иштейт. 

Ноокен райондук ички иштер бөлүмүн 2023-жылдын март айынан тартып милициянын полковниги Уланбек Коноев жетектеп келет.