1,278 Бардыгы /

ЖАЛАЛ-АБАД. Бүгүн, 26-октябрда Жалал-Абад шаарынын 146 жылдыгы салтанаттуу белгиленүүдө. Иш чарага Кыргыз Республикасынын Президенти Садыр Жапаров катышууга келди.

Майрамдык салтанатта калаанын “Ч.Айтматов” аймактык башкаруусундагы Аюб-Тоо кыркасына жаңы курулган стелла-флагштокто Кыргыз Республикасынын Туусу көтөрүлдү.

Аталган стелла-флагштокту куруу облустук өнүктүрүү фонду тарабынан каржыланып ага 16 миллион 745 миң сом жумшалган.

Курулушту “Строун Групп” жоопкерчилиги чектелген коому 2022-жылы ноябрь айында баштаган.

Стелланын узундугун 50 метрди түзөт.

Стелла-флагштоктун айланасы Жалал-Абад шаардык мэриясы тарабынан каржыланып көрктөндүрүлдү. Ал үчүн жергиликтүү бюджеттен 5 миллион 683 миң сом, башкача айтканда 10% каражат жумшалган. Ал эми облустук өнүктүрүү фонду тарабынан 90 % каржыланган.