600 Бардыгы /

          Блогер Улукбек Карыбек уулунун бүгүнкүгө, 24-ноябрга, Ош шаардык сотунда белгиленген соту прокурордун өтүнүчү менен башка күнгө жылдырылды. Буга соттук отурумга күбөлөр толук келбегендиги себепкер болду. Ал эми кийинки отурум ушул жылдын 29-ноябрына белгиленди.

          Айтмакчы, Улукбек Карыбек уулу өз сөзүндө ишке Ош облустук төрөт үйүн ачык коргоп Саламаттык сактоо министрлиги ачыктан түздөн-түз кийлигишип жатат деген пикирин шардана кылды. Быйыл 12-июлда блогер Ютуб каналга “Ош облустук оңолбос төрөт үйү” деген видео жарыяланган. Анда бейтаптардын дарыгерлер акча талап кылгандыгын айтып берген маектерин даана көрүүгө болот. Ошондуктан, 7-июлда Ош шаардык милициясы төрөт үйүнүн дарыгерлеринен бирөөлөр арткы эшикти бузуп кирип, уруксатсыз видеого тартып, догдурлардын жумушуна тоскоолдук кылып жатканы, дээрлик 37 миң сомдук чыгым келтирилгени тууралуу маалымат түшкөнүн, мыйзам чегинде чара көрүп берүүнү суранышканын билдирген. Ошондуктан, блогер Улукбек Карыбек уулунун үстүнөнКылмыш-Жаза Кодексинин “Бейбаштык” беренесинин негизинде иши козголгон. Ал эми 16-июлда Ош шаардык соту Карыбек уулунун кармалышын мыйзамдуу деп таап, тергөөчүнүн аны эки айга камоо тууралуу өтүнүчүн четке каккан жана блогерди эч жакка кетпөө жөнүндөгү тил каты менен үйүнө бошоткон.

          Анткени менен блогер Улукбек Карыбек уулу эч качан мыйзам бузбагандыгын жана бейбаштык дагы кылбагандыгын билдирген видео тараткан. Ал өзү дагы видеожабдыктарын күчтөп тартып алууга аракет кылган дарыгерлердин үстүнөн арыз жазгандыгын, бирок, бул маселе таптакыр каралбай жаткандыгын баса белгилеген.  

          Кыргызстандын медицина кызматкерлеринин көз каранды эмес кесиптик кошууну арыз-даттануусу бар бейтаптар тийиштүү органдарга кайрылса болоорун, ал эми төрөткана түрдүү инфекцияны алдын алуучу стерилдик талаптар коюлган жайлардын бири экендигин, ал жакка каалаган киши кирип-чыкканга акысы жоктугун айтып, дарыгерлердин ишине тоскоолдук жараткан блогер боюнча буга чейин алты ирет кайрылуу түшкөндүгүн, ага каршы материалдар бир жылдан бери топтолуп келаткандыгын, баары тийиштүү мекемелерге жөнөтүлөөрүн ачык маалымдаган.  

          Алишер ТОКСОНБАЕВ, өз кабарчы