315 Бардыгы /

        Ош облусунда ушул жылдын 18-июлундагы селден кийин сугат каналдары катарынан тазаланып, кайрадан калыбына келтирилди. Суу ресурстары, айыл чарба жана кайра иштетүү өнөр жайы министрлигинен билдиришкендей, ушул тапта дыйкандарга жана фермерлерге сугат суу үлгүлтүксүз гана бериле баштады.

Атап айтканда: Ноокат районунда “Күнгөй”, “Сапарбаев-2”, “Ходжа”, “Старый Грей-Шорон” чарба аралык каналдарында сел-кыяндан улам кыйроолорго кабылып, атайын техника тартылып шилендилерден тазалоо жумуштары аткарылып, ушул тапта сугат суу тынымсыз берилүүдө.

Ал эми Араван районунда “Найман-Головной”, “Мазар-Арык”, “Сандык”, “Мечит”, “Жаңы-Арык” жана “Араван-Сай” чарба аралык каналдарында сел-кыяндан улам кыйроолорго учурап, шилендилерден тазалоо жумуштары аткарылып, ушул тапта сугат суу тынымсыз берилүүдө.

Ошентип Ош башкы суу чарба башкармалыгынын “Отуз-Адыр” жана дагы “Араван-Ак-Буура” чарба аралык каналдарында сел-кыяндан улам кыйроолорго учурап, шилендилерден тазалоо жумуштары аткарылып, ушул тапта сугат суу өлчөмүндө берилүүдө.

Алишер ТОКСОНБАЕВ, өз кабарчы