228 Бардыгы /

Кара-Суу районунун акиминин бошогон ордуна Канат Табалдиев дайындалды. Бул туурасында Президенттин басма сөз кызматынан билдиришти.

Ошентип, Президент Садыр Жапаров кол койгон тескемеге ылайык, Кыргыз Республикасынын Конституциясынын 70-беренесинин 1-бөлүгүнүн 6-пунктуна, 71-беренесине ылайык Табалдиев Канат Касенович Ош облусунун Кара-Суу районунун мамлекеттик администрациясынын башчысы — аким болуп дайындалды.

Ошондой эле президент Садыр Жапаров кол койгон башка тескемеге ылайык Ош облусунун Кара-Суу районунун мамлекеттик администрациясынын башчысы — аким Абыкеев Темирболот Асаналиевич ээлеген кызматынан жарандарга мыйзамсыз жер саткандыгы үчүн бошотулду.  

Кара-Суу району – Кыргызстандагы эң  чоң аймак. 2024-жылдын 1-январына карата райондо 488 миң  калк жашайт. Эли көбүнэсе айыл жана мал чарбасы менен гана алектенет.

Алишер ТОКСОНБАЕВ, өз кабарчы