12 Бардыгы /

Кара-Көл шаарынын мэри Нуртилек Орозбаев Чаргынов көчөсүндөгү асфальттоого чейинки иштердин жүрүшүнөн кабар алды. Бул тууралуу шаардык мэриянын маалымат кызматы билдирди.

Шаар башчысы Н.Орозбаев курулуш жумуштарын ыкчамдатуу тапшырмасын коюп, жашоочуларга жана конокторго ыңгайсыздык жаратпоо үчүн жолду кыска мөөнөттө бүтүрүүнү талап кылды.

Чаргынов көчөсү Транспорт жана коммуникациялар министрлиги тарабынан каржыланып, азыркы күндө иш кызуу жүрүп жатат.

Нуртилек Орозбаев жаңы курулуп жаткан Кара-Көл шаардык ички иштер бөлүмүнүн имаратын барып көрдү. ШИИБдин имаратынын эскиргенине көп жыл болгон. Жаңысы быйыл март айында башталып, учурда курулуш иштери 85 пайызга бүткөрүлдү.