36 Бардыгы /

Кыргызстандын Түштүк башкалаасындагы айтылуу Алымбек датка этно борборунда Орусиянын Санкт-Петербург шаарынын кооз жайларын жана дагы туристтик дараметин чагылдырган сүрөт көргөзмөсү ачылды.

Аталган сүрөт көргөзмөсү Санкт-Петербург жана Ош шаарынын ортосундагы боордоштук мамилелердин түзүлгөндүгүнүн 20 жылдыгына карата уюштурулду. Иш-чаранын ачылышына Ош шаарынын мэринин орун басары Нурбек Кадыров, Санкт-Петербург шаарынын тышкы байланыштар комитетинин төрагасынын орун басары Евгений Кассюра баштаган делегация, маданият ишмерлери, мугалимдер, окуучулар жана студенттер катышышты.

Аталган сүрөт көргөзмөсү Ош шаарынын тургундарын Санкт-Петербург шаарынын кооз жана туристтик жайлары менен кеңири тааныштыруу максатында гана уюштурулду. Бул көргөзмө дээрлик 3 күнгө созулат.

Алишер ТОКСОНБАЕВ, өз кабарчы