48 Бардыгы /

Ош шаарынын жол жээктерин бойлото, ошондой эле жашыл аймактарына, эс алуу бактарына, анан дагы аллеяларга 20 миңге жакын бадал, 20га жакын гүлдүн 1,5 миллиондон ашуун түрү отургузулат. Бул туурасында Ош шаардык мэриясынан билдиришти.

– Мындан тышкары административдик-аймактык реформанын алкагында шаарга кошулган айылдарда жана шаар четиндеги аймактарда дагы мекеме-ишканалар жана жергиликтүү тургундар тарабынан 280 миңге жакын ар кандай сорттогу бак-дарактардын көчөттөрү отургузулат, – деп кошумчалады Ош шаарынын биринчи  вице-мэри Сонунбек Жунусбаев.

Ошондой эле Ак-Буура дарыясынын жээгине Ош шаарынын символуна айланган мажүрүм тал, можжевельник жана дагы туянын эки түрүн отургузуу болжолдонуп жатат.

Алишер ТОКСОНБАЕВ, өз кабарчы