3 Бардыгы /

Жалал-Абад шаарында Мамлекеттик туунун кабыл алынгандыгынын 33 жылдыгы белгиленип, жөө жүрүш жана Аюп-Тоо тоосундагы флагштокто тууну салтанаттуу көтөрүү аземи болуп өттү.

Жалал-Абад шаардык мэриясынын маалымат борбору билдиргендей,

ага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, шаар мэри Эрнисбек Ормоков, депутаттардын шаардык кеңешинин төрагасы Орозбек Турдубеков, мекеме-ишканалардын, күч түзүмдөрүнүн кызматкерлери, шаар тургундары жана окуу жайлардын студенттери катышты.

Шаар мэри Эрнисбек Ормоков: “Туу – өлкөбүздүн эгемендүүлүгүнүн, патриоттуулуктун жана мекенге болгон сүйүүнүн символу!

Эгемен элибиздин эркиндигин, улутубуздун улуулугун даназалаган туубуз кылымдарды карытып, түбөлүккө желбиреп турсун!”- деген каалоо-тилегин айтып, жалпы иш-чаранын катышуучуларын жана шаар тургундарын Мамлекеттик туу жана Ак калпак күнү менен куттуктады.

Белгилей кетсек, 3-март – Кыргыз Республикасынын Мамлекеттик туу күнү.