3 Бардыгы /

Жалал-Абад шаарындагы кыргыз-орус “Достук” эс алуу багында “Жалал-Абад 2025–Эрте жаз” фестивали өттү.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев, шаар мэри Эрнисбек Ормоков, калаа тургундары жана меймандары катышты.

Фестивалда сүрөчүлөрдүн эмгектери, улуттук кол кол өнөрчүлөрдүн буюмдары коюлган жарманке уюштурулган. Ага катар облустук филармониянын жана Барпы театрынын чыгармачылык жамааты, шаардагы улуттардын диаспора өкүлдөрү тарабынан концерттик программа жана “Жалал-Абад шаарынын жаралуу тарыхы” аталышындагы сахналаштырылган театралдык көрүнүш тартууланды.

Облус башчысы Тилек Текебаев жалпы катышуучуларды жаз фестивалинын өтүшү менен куттуктады.

“Бул майрам жанданып келе жаткан жаратылыш менен күжүрмөн эмгектин ажырагыс биримдигин элестетет. Өлкөбүздө калктын социалдык-экономикалык муктаждыктарын чечүү менен бирге маданий-эстетикалык, руханий агартуучулук багытына да басым жасоо керек”, –деди ыйгарым укуктуу өкүл.