42 Бардыгы /

          Ош облусуна караштуу Ала    районунун Кызыл-Ой кыштагында 14-15 чакты үй-бүлө жер көчкү коркунучуна кабылып олтурат. Бул туурасында Өзгөчө кырдаалдар министрлигинен билдиришти.

          Маалыматка караганда, опуртал жайдагы 8 үйдөн 41 адам коопсуз жайларга токтоосуз түрдө көчүрүлдү. Ал эми жер көчкү жүрүчүү аймакта Өзгөчө кырдаалдар министрлигинин райондук бөлүмүнүн атайын комиссиясы абдан тыкыр иштеп жатат. Булар ошондой эле жагдайды турукташтыруунун дагы камын катуу көрүшүүдө.

          Айтмакчы, аталган аймакта күн көрүшкөн беш үй-бүлөгө мурун 200 миң сомдон жана дагы коопсуз аймактан үй салуу максатында жер тилкелери дагы берилген. Тилекке каршы, булардын бири дагы анткени менен жаңы конушка көчүшкөн эмес! Ушул тапта Өзгөчө кырдаалдар министрлигинин мониторинг кызматы Алай районунун Кызыл-Ой кыштагында дагыле дыкаат байкоо жүргүзүп жаткан чагы.

Алишер ТОКСОНБАЕВ, өз кабарчы