51 Бардыгы /

Баткен шаарында «Жаңы муун – жаркын келечек, таза муун – коопсуз келечек» аталышындагы облустук форум өз ьишин аяктады. Аталган иш-чара Германиянын эл аралык кызматташтык коомунун (GIZ) колдоосу аркасында Ички иштер министрлиги тарабынан уюштурулду.

Аталган иш-чарага ички иштер министринин орун басары Октябрь Урмамбетов, Баткен облустук ички иштер башкармалыгынын жетекчиси Улан Жукенов жана Баткен облусунун аймагындагы мектептердин 500гө жакын окуучусу катышышты.

Ички иштер министрлигинин басма сөз кызматынын маалыматына караганда,Баткендеги форумдун негизги максаты – жаш муунга окуу жана өнүгүүнүн маанилүүлүгүн түшүндүрүү менен жаңы мүмкүнчүлүктөр туурасында маалымат берип, үлгү болгон ийгиликтүү адамдар менен тааныштыруу. Форумда конокторго укук бузууларды алдын алуу боюнча кыска метраждуу тасмалар жана бир катар интерактивдүү оюндар дагы уюштурулуп, сахналаштырылган көркөм чыгармалар коюлду.

Баткен шаарындагы «Жаңы муун – жаркын келечек, таза муун – коопсуз келечек» аталышындагы облустук форуму концерттик программа менен коштолуп, конокторго сыйлыктарды тапшыруу менен жыйынтыкталды.

Алишер ТОКСОНБАЕВ, өз кабарчы