9 Бардыгы /

Кыргызстандагы айыл чарба техникалары жазгы талаа жумуштарына 84 пайыз дапдаяр. Бул туурасында Айыл чарба министрлигинен билдиришти.

Маалыматка караганда, ушул тапта республикабыз боюнча 92 миңден ашык айыл чарба техникасы катталган. Булардын арасында 22 330 трактор, 11 598 соко, 3379 үрөн сепкич, 15 645 мала жана башка техникалар бар. Жазгы талаачылык айдап-себүү иштерине даярдык көрүүнүн алкагында аймактардагы айыл чарба субъекттери тарабынан техникаларды оңдоо жана калыбына келтирүү иштери жүргүзүлдү. Натыйжада техникалардын басымдуу бөлүгү сезондук жумуштарды аткарууга дээрлик дапдаяр! Ушул тапта республикабыз боюнча айыл чарба техникаларынын жазгы талаа өнөктүгүнө жалпы камылгасы дээрлик 84 пайызды түзөт.

Ошондой эле Айыл чарба министрлигинен быйылкы жазгы өнөктүккө 8 миңден ашык жер айдоочу агрегат жана 3 миңден ашык себүүчү агрегат катышары дагы күтүлүп жаткандыгын кошумчалашты.

АЛИШЕР ТОКСОНБАЕВ, өз кабарчы