42 Бардыгы /

Кыргызстандын Түштүк башкалаасында үч эм төрөгөн үй-бүлө Ош шаары мэри Жанарбек Акаевдин каржылык колдоосуна арзыды. Бул туурасында мэриянын басма сөз кызматынан билдиришти.

Маалыматка караганда, Ош шаарынын мэринин орун басары Масуда Айдарбекова калаа башчысы Жанарбеке Акаевдин атынан үч эм төрөгөн жаш энеге чын ыкластан куттуктоо айтып, үй-бүлөгө каржылык колдоо иретинде 50 миң сом жана наристелерге керектүү белек-бечкектерди тапшырды.

Эскерте кетчүү жагдай: үч эм наристе ушул жылдын 20-февралында Ош облустук төрөт стационарында жарык дүйнөгө келишти. Ушул тапта эненин жана үч эмдин акыбалы жакшы. Мөөнөтүнөн мурда төрөлгөн ымыркайлар дарыгерлердин такай көзөмөлүндө болуп, тийиштүү камкордукка алынышты.

АЛИШЕР ТОКСОНБАЕВ, өз кабарчы