39 Бардыгы /

Кыргыз Республикасынын Энергетика министрлигинин тармактын ишенимдүүлүгүн жогорулатуу жана калкты сапаттуу электр энергиясы менен камсыз кылуу тапшырмасына ылайык, быйыл Жалал-Абад облусу боюнча жалпы 6-10/0,4 кВ 555 даана трансформатор оңдоодон өткөрүлүп, кошумча 6-10/0,4 кВ 14 даана жаңы трансформатор орнотулат. Аталган иш аракеттер 2026-жылдын март айынан ноябрь айына чейин жүргүзүлөт. Аталган жабдууларды жаңылоо  “КУЭТ” ААК тарабынан каржыланып, Жалал-Абад электр тармактар ишканасы тарабынан  ишке ашырылат.

Оңдоо иштеринин алкагында трансформаторлордун техникалык абалы текшерилип, эскирген тетиктер алмаштырылат жана керектүү техникалык тейлөө жүргүзүлөт. Жаңы трансформаторлорду орнотуу электр энергиясын берүү сапатын жакшыртып, жүктөмдү тең салмактоого жана керектөөчүлөрдү туруктуу камсыздоого шарт түзөт.

Трансформаторлор облустун төмөнкү аймактарында жаңыланат:

-Аксы району– 55 даана оңдоо, 1 даана жаңы курулат;

-Ала-Бука району – 67 даана оңдоо, 1 даана жаңы курулат;

-Базар-Коргон району– 41 даана оңдоо, 2 даана жаңы курулат;

-Манас шаары – 24 даана оңдоо, 2 даана жаңы курулат;

-Кара-Көл шаары– 19 даана оңдоо, 1 даана жаңы курулат;

-Көк-Арт өрөөнү – 53 даана оңдоо, 1 даана жаңы курулат;

-Майлуу-Суу шаары– 10 даана оңдоо, 1 даана жаңы курулат;

-Ноокен району– 71 даана оңдоо, 2 даана жаңы курулат;

-Сузак району – 81 даана оңдоо, 2 даана жаңы курулат;

-Токтогул району– 92 даана оңдоо, 1 даана жаңы курулат;

-Таш-Көмүр шаары – 28 даана оңдоо;

-Чаткал – 14 даана оңдоо.

Эске салсак, Жалал-Абад электр тармактар ишканасынын карамагында облус боюнча жалпы 4348 даана трансформатор бар. Алар жыл аягына чейин техникалык тейлөөдөн жана оңдоп-түзөөдөн толук өткөрүлөт.