72 Бардыгы /

“Кыргыз темир жолу” Улуттук компаниясы” мамлекеттик ишканасынын башкы директору Азамат Сакиевдин буйругунун негизинде Досуев Нургазы Мухтаржанович аталган ишкананын Түштүк бөлүмү филиалынын жетекчиси болуп дайындалды.

Түштүк темир жол бөлүмүнүн басма сөз кызматы билдиргендей, Досуев Нургазы Мухтаржанович 1994-жылдын 30-мартында Жалал-Абад шаарында туулган. Жогорку билимдүү. Ал №75 кесиптик лицейин газоэлектр ширетүүчү адистиги боюнча аяктаган. 2011–2015-жылдары Казак темир жол байланыш университетинде “Темир жол транспортунда автоматташтыруу жана башкаруу” адистиги боюнча билим алган. Ошондой эле 2020–2022-жылдары Кыргыз мамлекеттик курулуш, транспорт жана архитектура университетинде “Темир жол транспортунда ташууларды уюштуруу” адистиги боюнча окуган.

Эмгек жолун 2015-жылы Бишкек-1 станциясында 4-разряддагы электромонтер болуп баштаган. Кийин 5-разряддагы электромонтер, техникалык документация боюнча улук электромеханик, диспетчердик борборлоштуруу постунун электромеханиги жана улук электромеханиги болуп иштеген.

2024-жылдан тартып “Кыргыз темир жолу” Улуттук компаниясы” мамлекеттик ишканасынын Түштүк бөлүмү” филиалында коопсуздук боюнча жетекчинин орун басары кызматын аркалап келген.

Белгилей кетсек, бугай чейин бул кызматта Орозбек Турдубеков 6 ай иштеп кетти.