3 Бардыгы /

Бүгүн, 21-майда Манас шаарында Кыргыз Республикасынын статистика органдарынын түзүлгөндүгүнүн 100 жылдыгына жана Жалал-Абад облустук статистика башкармалыгынын уюшулгандыгынын 35 жылдыгына арналган салтанаттуу иш-чара өткөрүлдү.

Иш-чарага Кыргыз Республикасынын Президентинин Жалал-Абад облусундагы ыйгарым укуктуу өкүлүнүн биринчи орун басары Уларбек Исмаилов катышып, статистика кызматкерлерин куттуктады.

Өз сөзүндө ал статистика тармагы мамлекеттин социалдык-экономикалык абалын так чагылдырган, аналитикалык маалыматтарды даярдаган жана негиздүү чечимдерди кабыл алууда маанилүү роль ойногон стратегиялык багыт экенин белгиледи.

Ошондой эле быйыл өлкөнүн статистика органдарынын түзүлгөнүнө 100 жыл, ал эми Жалал-Абад облустук статистика башкармалыгынын уюшулганына 35 жыл толуп жатканын айтып, бул тармактын мамлекет үчүн орду өзгөчө экенине токтолду.

Мындан сырткары, санариптештирүү шартында статистиканын ролу күчөп жатканын белгилеп, электрондук отчеттуулук, административдик маалыматтарды пайдалануу жана санариптик платформаларды өнүктүрүү багытында иштер жүрүп жатканын билдирди.

Салтанаттуу иш-чаранын жүрүшүндө статистика тармагында үзүрлүү эмгектенип келген кызматкерлерге сыйлыктар жана ардак грамоталар тапшырылды.