1,350 Бардыгы /

БАТКЕН. Кыргыз Өкмөтүнүн Баткен облусундагы ыйгарым укуктуу өкүлү  Акрам Мадумаров Баткен облустук Медиа борборунун жаңы имаратынын курулушунан кабар алды. Бул мекеменин имаратынын курулушу, жабдуулары жана эмеректери үчүн республикалык бюджеттен жалпысынан 38 миллион сом каралган. Ушул тапта бул суммманын 25 миллион сому дээрлик өздөштүрүлдү. Курулуш 2020-жылдын май айында толугу менен аяктап, анан гана пайдаланууга тапшырылмакчы.

Кыргыз Өкмөтүнүн Баткен облусундагы ыйгарым укуктуу өкүлү Акрам Мадумаров куруучуларга имараттын курулушун өз мөөнөтүндө жана сапаттуу аяктоону абдан катуу тапшырды. Баткен облусунда 2019-жылы «Аймактарды өнүктүрүү  жана өлкөнү санариптештирүү  жылынын» алкагында облустагы капиталдык курулуштар үчүн республикалык бюджеттен 326 милион сом каралып, мунун 219 миллион сомдук жумуштары дээрлик аткарылды.

Ушул тапта жалпысынан Баткен облусунда 70 обьектинин курулушу өтө ыкчам жүрүүдө. Булардын 31 билим берүү обьектиси, 11 балдар бакчасы, 2 спорт зал, 9 саламаттык сактоо мекемеси, 2 маданият үйү, 4 таза суу, 3 турак жай, 8 дагы башка обьектилер. Жыл башынан бери облуста 11 обьект пайдаланууга берилди. Жыл соңуна дейре дагы 6 обьектини урунууга тапшыруу күтүлүүдө.

Алишер ТОКСОНБАЕВ, өз кабарчы