1,632 Бардыгы /

ОШ. Алай районундагы К.Белекбаев атындагы Алай Айыл Өкмөтүнүн карамагындагы Көлдүк айылына ичилүүчү таза суу тартуу жараяны башталды.

Алай районунун К.Белекбаев атындагы Алай Айыл Өкмөтүнүн башчысы Анарбек Кулов ырасташынча, аталган айылдын эли буга дейре таза суудан абдан эле кыйналып келишкен.

• Көлдүк айылына ичилүүчү таза суу тартуу иштери элдин демилгеси

аркасында уюштурулду. Биз болгону техника жагынан гана жардам берип жатабыз, – деди К.Белекбаев атындагы Алай Айыл Өкмөтүнүн башчысы Анарбек Кулов. – Көлдүк айылында Курт-Көл деген көл бар. Ошол көлдөн түшкөн сууну айылга түз тартып келүүнү көздөп, арык казуу иштери башталды. Аталган көлгө чейин тогуз чакырым жер казылып, суу сүтүктөрү тартылат. Ушул тапта төрт чакырым аянт казылды. Эл аралык демөөрчүлөр менен дагы сүйлөшүп, алар суу түтүктөрүн сатып бере турган болушту. Буюрса, жакынкы күндөрдө Көлдүк айылы дагы таза суу менен камсыз этилмекчи.

Баса, Көлдүк айылынын эли буга дейре тээ алыскы Чий-Талаа кыштагынан тартылган сууну пайдаланып келишкен. Сел түшкөн мезгилде суу дагы келбей калып, кыйынчылык жараткан эле. Бул кыштакта жалпысынан 2100 калк жашайт.

Алишер ТОКСОНБАЕВ, өз кабарчы