1,140 Бардыгы /

          БАТКЕН. Ички иштер министринин орун басары Октябрь Урмамбетов Баткен шаарында Баткен облустук ички иштер бөлүмдөрүнүн өздүк курамы, ИИМдин Баткен шаарындагы “Шумкар” өзүнчө ротасынын жана ИИМдин №707-аскердик бөлүгүнүн өздүк курамы менен жолугушту.

Октябрь  Урмамбетов кызматкерлердин кызматтык форма менен толук кандуу камсыздалышын, милиция кызматкерлеринин сырткы кебете-кепширин, нөөмөт бөлүктөрүнүн, шарттарды дыкаат текшерип, кышка карата даярдык, материалдык-техникалык жактан камсыздалышынын абалы менен дагы жакындан таанышты. Андан ары Баткен районунун Ак-Сай Айыл Өкмөтүндө жайгашкан стратегиялык обьект “Головной” тилкесине баш багып, бул жерде кызмат өтөп жатышкан ички аскер бөлүгүнүн кызматкерлеринин кандай жагдайда жумуш жүргүзүп жаткандыгы жана ИИМдин Ички аскерлерине курулуп жаткан жаңы имараттардын курулушу менен дагы жеринде таанышты.

Соңуда Ички иштер министринин орун басары Октябрь Урмамбетов ошондой эле Баткен облусунун Көк-Таш айылында жайгашкан ИИМдин аскердик бөлүгү менен ички иштер органдарынын кызматкерлери менен биргеликте чек арадагы коомдук коопсуздукту толук кандуу камсыз кылуусун жана жөө кайгуулду күчөтүү боюнча бир катар  тапшырмаларды дагы койду.

Алишер ТОКСОНБАЕВ, өз кабарчы