1,035 Бардыгы /

БИШКЕК. Кыргызстан менен Тажикстан дагы 8,5 чакырымга созулган  чек арасын чийилди. Бул жөнүндө УКМКнын төрагасы Камчыбек Ташиев шардана кылды.

Өкмөт мүчөсүнүн айтымында, чек ара боюнча Өкмөттүк комиссиянын топографиялык топтору иш алып барууну дагыле улантууда. Акыркы жолугушуу Баткен облусунун Исфана шаарында өткөрүлдү. Анда 8,5 чакырым чек ара тилкеси боюнча өз ара макулдашылды.

• Акыркы айларда жалпысынан 90 чакырымга жакын чек ара тилкеси

толук кандуу жана биротоло чийилди. Иш абдан активдүү ыргакта жүрүүдө. Чек ара жабык. Балким, ушул дагы таасир берип жаткандыр, — деп кошумчалады УКМКнын төрагасы Камчыбек Ташиев.

Белгилей кетчү жагдай: Кыргызстан менен Тажикстандын чек арасынын жалпы узундугу — 970 чакырым. А мунун 519 чакырымы, көбүнчө тоолуу аймактары бир нече жыл мурда эле чийилип бүткөн.

Алишер ТОКСОНБАЕВ, өз кабарчы