1,389 Бардыгы /

ЖАЛАЛ-АБАД. Бүгүн, 3-март  Кыргыз Республикасынын мамлекеттик туусунун кабыл алынгандыгынын 30 жылдыгы Жалал-Абадда салтанаттуу түрдө белгиленип жатат.

Жалал-Абад ОИИБдин басма сөз кызматы маалымдагандай, Кыргыз мамлекетинин туусун көтөрүү иш-чарасына Жалал-Абад ОИИБдин борбордук аппаратынын өздүк курамы, ИИМдин атайын багыттагы полкунун Жалал-Абад шаарындагы кызматкерлери, ИИМдин ички аскерлеринин Жалал-Абад шаарындагы 704 аскер бөлүгүнүн офицерлери, жоокерлери жана башка күч түзүмдөрүнүн кызматкерлери катышышты.

Жалал-Абад ОИИБдин начальниги, милициянын полковниги АшимТагаев,  бул күндү белгилөөдө тарых барактарына токтолуп, туну ата-балаларыбыз аздектеп, ага өзгөчө маани берип келгендигин баса белгилеп, өздүк курамды мамлекеттин символу болгон туу күнү менен куттуктап, эгемендүү желбиреген желек алдында өнүгүп, мамлекетибизде тынчтык өкүм сүрүп, ар дайым асманыбыз ачык болсун деп каалоо тилектерин айтып өттү.

Облус аймагындагы шаар-райондук ички иштер бөлүмдөрүндө да бул күн майрамдык маанайда өтүп, гимндин коштоосунда мамлекеттик туу көтөрүлүп, жетекчилери тарабынан куттуктоолор айтылды.

Белгилей кетсек, 1992-жылы 3-мартта Кыргыз Республикасынын Жогорку Кеңешинин чечими менен мамлекеттик туу кабыл алынган.