1,566 Бардыгы /

ЖАЛАЛ-АБАД. Бүгүн 3-март – Кыргыз Республикасынын Мамлекеттик туусунун 30 жылдык маарекесине К.Ш. Токтомаматов атындагы Эл аралык университети да активдүү катышты.

ЭАУнун Кесиптик багыт берүү жана коомчулук менен байланыштар кызматы белгилегендей,  өлкө боюнча салтанаттуу түрдө белгиленип жаткан Туу майрамына К.Ш. Токтомаматов атындагы Эл аралык университеттин (ЭАУ, Жалал-Абад ш.) ректораты, профессор-окутуучулар курамы жана студенттери да аталган маарекени коомчулук менен чогуу белгилеп, Жалал-Абад областынын жана шаарынын жетекчилиги уюштурган майрамдык иш-чарага активдүү катышты.

Туу  жөнүндө белгилей кетсек: желектин бир түстүү кызылдыгы эрдиктин жана тайманбастыктын символу, жаркыраган алтын күн бейкуттукту жана байлыкты чагылдырат, ал эми түндүк – үй кутунун символу, аалам катары дүйнөнү алда канча кеңири түшүнүүдө бир айлампага бириктирилген кырк нур байыркы кырк уруунун бирдиктүү Кыргызстанга бириккендигин айгинелейт; түндүк өлкөдө жашап жаткан элдердин биримдигинин символу, желектин кырмызы түсү айкөл Манастын туусунун түсү болгон.

Урматтуу мекендештер, бардыгыңыздарды Кыргыз Республикасынын Мамлекеттик туусунун күнү менен куттуктайбыз!