912 Бардыгы /

          БАТКЕН. Лейлек райондук ички иштер бөлүмүнө милициянын жаңы жана заманбап көчмө кабылдамасы – мыкты жабдылган автоунаасы тапшырылды.

Баткен облустук ички иштер башкармалыгынын басма сөз кызматынан кабарлашкандай, Баткен облустук ички иштер башкармалыгында ЕККУнун Бишкектеги программалык кеңсесинин элчиси Алексей Рогов, ЕККУнун кеңсенин кеңешчиси, милициянын отставкадагы полковниги Шамшыбек Мамыров, ИИМдин коомдук коопсуздук кызматынын үй-бүлөлүк зордук-зомбулуктун алдын алуу жана милициянын көчмө кабылдама унааларынын ишин координациялоо бөлүмүнүн начальниги Таалай Алижанов жана Кыргыз Республикасынын президентинин Баткен облусундагы ыйгарым укуктуу өкүлүнүн орун басары Жаныбек Исаковдун катышуусунда милициянын көчмө кабылдамасы салтанаттуу түрдө тапшырылды.

“Газ 211717” Соболь үлгүсүндөгү милициянын көчмө кабылдамасы Лейлек дароо РИИБсине ыйгарылып, район аймагынан алыста жашап жатышкан жергиликтүү тургундардын көйгөйлөрүн ыкчам чечүүгө жардамдашмакчы. Мындан тышкары ЕККУ милиция кызматкерлери үчүн байланыш каражаттарын жана оргтехникаларды дагы ыроолоду.

Алишер ТОКСОНБАЕВ, өз кабарчы