1,035 Бардыгы /

ЖАЛАЛ-АБАД. Ички иштер органдарында үзүрлүү эмгектенип, ардактуу эс алууга чыккан 80 жаштагы Сатыбалды Ойчиевге ИИМдин “Кыргыз милициясына 95 жыл” юбилейлик медалы тапшырылды.
Жалал-Абад ОИИБдин басма сөз кызматы билдиргендей, медалды Ноокен райондук ички иштер бөлүмүнүн начальниги, милициянын полковниги Алтынбек Мусаев тапшырып, ардагерге бекем ден соолук каалады.
Ардагерди сыйлоо иш-чарасына Ноокен РИИБдин ардагерлер кеңешинин төрагасы А.Нышанбаев, Достук айыл өкмөтүнүн башчысы А.Бекиев жана Достук айылдык кеңешинин төрагасы Н.Мадалиев катышып, ардак грамота тапшырылып, калпак, чепкен кийгизилип, материалдык колдоо көрсөтүлдү.
Өз кезегинде Сатыбалды Ойчиев Ноокен РИИБдин жана Достук айыл өкмөтүнүн жетекчилигине ыраазычылык билдирип, өлкөбүздө тынчтык болушун ниет кылып ак батасын берди.