705 Бардыгы /

ЖАЛАЛ-АБАД. Чаткал РИИБдин кызматкерлери милициянын көчмө кабылдамасында жергиликтүү өзүн өзү башкаруу органдарынын кызматкерлери менен биргеликте түзүлгөн графиктин негизинде, Чаткал районунун Коргон-Сай айылына барып элдердин арыз муңун жеринен угушту.

Жалал-Абад ОИИБдин басма сөз кызматы билдиргендей, аталган айылда жайгашкан Р.Акназвров орто мектебинде 11-класстын окуучуларына алдыда келе жаткан акыркы коңгуроо учурунда коопсуздукту сактоо боюнча түшүндүрүү иштерин жүргүзүп келишти. Ошону менен катар милиция кызматкерлери жергиликтүү тургундарга сууга түшүүгө кооптуу болгон жайларда балдарды этияттап, ар кандай күтүлбөгөн кырсыктар-окуялардын алдын алуу керектигин эскертишти.   

Ал эми РИИБдин балдар иштери боюнча инспекциясынын демилгеси жана айыл өкмөттүн жардамы менен, С.Байдоолотов атындагы инновациялык жалпы орто билим берүүчү мектептин 8-9-классттарынын арасында спорттун эстафета, таяк тартыш (масс-реслинг) жана аркан тартыш түрлөрү боюнча мелдеш уюштурулду. Аталган меледштин негизги максаты окуучулар арасында мектеп рэкетчилигин жоюу, ар кандай терс көрүнүштөрдүн алдын алуу жана класстар аралык ынтымакты, достукту бекемдөө болуп саналат.

Бул спорттук иш-чара аябай кызыктуу өтүп, күйөрмандардын сүрөөсү менен коштолуп, атаандаштар арасында жеңишке болгон умтулууну жаратты. Мелдеште уткан командалар Чаткал РИИБдин грамоталары жана баалуу белектер менен сыйланышгты.  Ынтымакты бекемдеген спорттук мелдешке катышкан окуучулар жана мугалимдер жамааты милиция кызматкерлерине ыраазычылыктарын билдиришип, иштерине ийгиликтерди каалап өтүштү.