1,788 Бардыгы /

БАТКЕН. Аткезчилик жол менен минералдык жер семирткичтерди Тажикстанга мыйзамсыз ташып өтүүгө аракет жасаган жаран акырында  кармалды.

УКМКнын басма сөз кызматынын маалыматына караганда, аткезчилик аракетин абдан катуу көргөн жаран Лейлек районуна караштуу Кулунду Айыл Өкмөтүнөн коңшулаш Тажикстанды көздөй ыкчам бара жаткан экен. Ал – Кыргыз атуулу экендиги иш жүзүндө тастыкталды. Текшерүү маалында, жогоруда аталган унаанын бортун дыкаат аңтарганда, андан коңшу мамлекеттерге мыйзамсыз жөнөтүлүүчү жалпы көлөмү 4 тонна, ал эми ар бири 50 кило 80 кап минералдык жер семирткич  экендиги биротоло ашкереленди.

«Эксперт Баалоо» ЖЧКсынын корутундусуна ылайык, табылган товардын орточо базар баасы 152 миң сомду түзөт.

Ошентип, бул фактынын негизинде топтолгон материалдар маалыматтык каттоо журналына дароо тизмектелди. Ушул тапта бул жосунсуз жорукка тиешеси бар башка кишилерди дагы иликтөө иштери абдан кызуу улантылууда.

Алишер ТОКСОНБАЕВ, өз кабарчы