1,278 Бардыгы /

Сузак районунун Кызыл-Туу айыл аймагынын Бостон айылындагы 2,3 чакырымды түзгөн Карабай Калматов көчөсүнө асфалть төшөлүп, пайдаланууга берилди.

Иш-чарага Кыргыз Республикасынын Транспорт жана коммуникациялар министринин биринчи орун басары Нурланбек Кайынбаев, Президенттин Жалал-Абад облусундагы ыйгарым укуктуу өкүлүнүн биринчи орун басары Мамасалы Акматов, жергиликтүү бийлик жана айыл тургундары катышты.

Жол Бостон жана Ак-Баш айылдарын бириктирген маанилүү каттамдардын бири болуп саналат. Ага республикалык бюджеттен 14 млн 360 миң сом акча каражаты жумшалган. Ачылыштын жүрүшүндө жашоочуларга жергиликтүү маанидеги жолдорду оңдоо, ири долбоорлор тууралуу маалымат берилди.