1,272 Бардыгы /

ЖАЛАЛ-АБАД. Бүгүн, 13-октябрда ЭАУда Кыргыз-Түрк лицейинин башталгыч класстарынын окуучулары үчүн көңүлдүү күзгү жарыштар өткөрүлдү.

ЭАУнун кесиптик багыт берүү жана коомчулук менен байланыштар кызматы маалымдагандай, Жалал-Абад шаарындагы К.Ш. Токтомаматов атындагы Эл аралык университеттин спорттук залында “Көңүлдүү күзгү жарыштар” аттуу спорттук иш-чара өттү. Бул жарыштар ЭАУнун Эл аралык Кыргыз-Түрк лицейинин башталгыч класстарынын окуучулары үчүн уюштурулуп, жарыштарга “Спортиктер” жана “Достук” командалары катышты. Аталган жарыштар абдан көңүлдүү жана спорттук атаандаштыктын айыгышкан деминде өттү. Ар бир команданы өздөрүнүн күйөрмандары колдоп турду, алар: классташтары, ата-энелери, мугалимдери жана көрүүчүлөр. Натыйжада жеңишке “Спортиктер” командасы 24 жана 18 эсебинде ээ болду. Жеңүүчүлөргө өтмө кубок тапшырылып, активдүү катышуучулардын бардыгына грамоталар жана таттуу белектер берилди.

“Жалпысынан айтканда бардыгы олимпиаданын “Ылдам, жогору, күчтүү – бирге!” – урааны астында өттү. Иш-чаранын уюштуруучуларына: лицейдин директору Элиза Кеңешовага, дене тарбия мугалими Канатбек Сабировго жана башталгыч класстардын мугалимдерине өзгөчө ыраазычылык билдиребиз”,-дейт ректорат.