1,533 Бардыгы /

ЖАЛАЛ-АБАД. Базар-Коргон РИИБдин кызматкерлери тарабынан1-февралдан тартып14-февралга чейинки аралыкта бир катар спорттук иш-чаралар өткөрүлдү.

Жалал-Абад ОИИБдин басма сөз кызматы билдиргендей, кылмыштуулуктун алдын алууга багытталган таймаштар Базар-Коргон шаарындагы Ж.Бөкөнбаев интернатында, Кеңеш айыл аймагындагы А.Абдрахманов орто мектебинде жана Бешик-Жон айыл аймагында жайгашкан мектептер арасында уюштурулду.

Мектеп окуучулары спорттун волейбол, кол күрөш, аркан тартыш, аралыкка чуркоо жана башка бир катар түрлөрү боюнча күч сынашышты. Аларга калыстар тобу тарабынан баалар коюлуп, спорттогу мыктылар тандалды. Жеңүүчүлөргө Базар-Коргон райондук ички иштер бөлүмү тарабынан кубок, ардак грамоталар, баалуу белектер тапшырылды.

Өз кезегинде мектеп мугалимдери жана окуучулар кылмыштуулукка каршы спорттук мелдеш уюштургандыгы үчүн милицияга ыраазычылыктарын билдиришти.