7,438 Бардыгы /

Чабалекей
Эй чабалекей учуп кеттиң алыс жакка
Уяңды таштап кетпе сен башкага
Кайрылып келесиңби сен дагы
Уяңды таштабастан башкага

Сен эч качан уяңдан кетип калба
Сен келсең жасайм дагы мен башка
Түрлөрүн жасап берем мен сага
Капа болбо сен эч качан мага

Мектебим
Сүйүктүү менин мектебим
Алтындай болгон эмгегиң
Алдыда дайым боло бер
Жеңишке жетип жүрө бер

Наамың чыккан дайыма
Балтагулов деген атыңдан
Барктайбыз сени барктайбыз
Ар убак сени даңктайбыз

Мекеним
Мекенин менин Кыргызстан
Кымбатым менин Кыргызстан
Желбиреп турсун желегиң
Алтындай болгон эмгегиң

Мекен деген өсүп жаткан жерибиз
Мекен деген окуп жаткан жерибиз
Ошол үчүн өнүктүрүп мекенди
Желбиретип көтөрөлү желекти

Кыргыз эли
Кыргыз эли кылымдарды карыткан
Канча элди жеңип чыккан тарыхтан
Ошол үчүн кыргыз болуп жаралгам
Ошол үчүн кыргыз болуп саналгам
Анда адамдар тынбай гана согушкан
Кан төгүлүп канча элдер өлсө да

Согушту көрбөсөм да айтар элем
Ырымды баатырларга арнар элем
Өмүр бою баатырларды сыйлар элем
Тынчта ар убакта жашар элем

Аялзат
Бул дүйнөдө эң сулуу сөз аялзат
Бул дүйнөдө күндөй жанган аялзат
Куттуктайбыз сиздерди ар убак
Акыл айтып мээрим төгүп сиздер да

Апакем
Апакем алыс жакта сагынарым бир өзүңдү
Сагынып өпсөм мен көздөрүңдү
Апакем сагындым жыпар жыттуу колдоруңду
Апакем сагындым мен жалгыз бир өзүңдү

Кадырың өтүп жатат алыс жакта
Ойлорум бурулат бир сага гана
Түшүндүм тагдырдын мен маңызын
Ойлом сени мындан ары ар убакта

Сүйүү
Сүйүү деген бул жашоодо бир келет
Адамзаттын жүрөгүнө туш келет
Сүйүү деген адамзаттын өмүрү
Сүйүү деген түбөлүктүн ортосу

Сүйөм сени сүйөм сени жанымдай
Түн жок сенин түнүңө окшош таңыңдай
Жалгыз сенсиң бул жашоомдун барындай
Өмүрүмдүн эң алгачкы бактындай

Сени сүйдүм сени күтүп ар убак
Сени күтүп эңсегеним ар убак
Эч убакта унутпаймын мен сени
Бар бол жаным кош бол менин ардагын

Биз кыргызбыз
Биз кыргызбыз кыргыз тилин өнүктүрүп сүйөлү
Кыргыз тилин жакшы сүйлөп үйрөнүү
Кыргыз тилдин китептерин жакшы окуп
Баарын билип башка элге үйрөтүү

Кыргыз элдин акындарын барктайлы
Кыргыз тилдин китептерин барктайлы
Ошол үчүн кыргыз тилин жакшы окуп
Жакшы окуп жакшы билип алалы

Ырчылык
Бир гана бир нерсе кыялымда ырчылык
Жан дүйнөм да, тагдырымда ырчылык
Ойлорумда күтөрүм да ырчылык
Эңсерим да жазганымда ырчылык
Неге мынча күттүрдүң ырчылык
Неге мынча эстеттиң ырчылык
Качан ырдайм качан чыгам сахнага
Качан ырдап берем мен ата-энем алдыңда

Замирбек кызы Айзирек, Жалал-Абад областынын Ала-Бука району
№1 Т. Балтагулов атындагы орто мектебинин 7-классынын окуучусу