14,184 Бардыгы /

Бака жалбырак көп жылдык чөп өсүмдүк. Жер бетинде кеңири таралган. Кыргызстандын бардык жерлеринде кездешип, айрыкча арык жээктеринде, жол бойлорунда, тоо этектеринде, жайытта өсөт.
Бака жалбырактын түзүлүшү, айрымдарынын сабагы кыска, ал эми айрымдарыныкы узун болот. Тамыр жалбырагы жазы, жарыш тарамыштуу жана узун саптуу келет. Гүлү майда, көрксүз жана жашыл болот.

Бака жалбырактын адам затынын ден соолугуна тийгизген даарычылык касиети өтө чоң. Ал суук тийгенде, жөтөлгөндө, ичеги карын ооруларына, жараларга, какырык чыгарууда колдонулат. Анын жалбырагында “С”,”В” витаминдери бар. Бака жалбырактан көптөгөн дары чөптөр жасалып, медицинада кеңири колдонулуп келет. Бул дары чөптү үй шартында дагы колдонсо болот. Бака жалбырак май айынан баштап август айына чейин гүлдөйт, июнь, сентябрь айларында уруктайт. Жалбырагын жай айында гүлдөгөн мезгилде кол менен үзүп, же бычак менен кесип алуу зарыл. Булганыч жерде өскөндөрүн терүүгө болбойт. Көлөкө, шамал жүрүп турган жерде бат кургатып алуу керек. Көпкө чейин жайып койсо, жалбырагы карарып кетет.

Бака жалбырактан чай кайнатып ичүүгө да болот. Ал үчүн бир аш кашык майдаланган бака жалбырактын үстүнө 200грамм кайнак суу куюп, 20-30мүнөт демдеп коебуз. Андан соң жалбырагын чыпкалап алып, тамак ичээрден 30 мүнөт мурун 20-30 граммдан күнүгө 3-4 маал ичүү керек. Ал чай жөтөлгөнгө, дем алуу жолдоруна, суук тийгенде, ич өткөккө пайдалуу.

WWW.