1,605 Бардыгы /

ТАЭСА долбоорунун алкагында Потенциалды Өнүктүрүү Программасынын ЖА АККнын 4-команда тренерлер тобу тарабынан 25 Айылдык Кызмат Көрсөтүүчүлөр (АКК) тандалып алынган.

Алар: Баткен областынан 6 АКК, Ош областынан 8 АКК, Жалал-Абад областынан 11 АКК тандалып алынган. Азыркы күндө АККлар чакан долбоорун ишке ашыруу менен өздөрүнүн топторуна, жергиликтүү жамааттарга туура тамактануу, анын пайдалуулугу боюнча маалыматтарды жайылтууга салым кошуп келишүүдө.  Айылдык Кызмат Көрсөтүүчүлөрдүн чакан долбоорлорунун аткарылуучу боюнча класстерлерге бөлүнгөн.

Алар:

1. Мал чарбачылыгы – 12 АКК,
2. Чакан күнөскана – 8 АКК,
3. Мөмө-жемиштерди кургатуу – 2 АКК,
4. Биогумус  өндүрүү – 1 АКК,
5. ММК боюнча маалымат таратуу жана конок үйгө келген конокторго маалымат таркатуу – 2 АКК.

Мал чарбачылыгы класстерине сүт багытындагы эчкилерди багуу, бал аарычылык, жергиликтүү тоокторду багуу, инкубатор аппарат менен жөжө чыгаруу багыттары камтылган. Азыркы күндө Бал аарычылык боюнча 4 чакан долбоорлорго ишке ашып жатат.  Сүт багытындагы эчкилерди багуу багыты боюнча 5 АКК сүттүү эчкилер менен камсыз болушту. Алардын төртөө төлдөп, күнүнө 1 – 1, 5л сүт берип жатат. Аксы районунда 1 АКК жергиликтүү тоокторду багуу чакан долбоорун ишке ашырууда. Долбоор тарабынан 32 даана 5 айлык жергиликтүү тооктор менен камсыз болгон. Азыркы  күндө тооктору 12-13 даанага чейин жумуртка берип жатат.

Чакан күнөсканада жашылча өстүрүү жана ачык талаада жашылча өстүрүү боюнча экинчи класстерде – 8 АКК бар. Алар 40 ^м2  күнөскананын каркасын тургузушуп, долбоордон тамчылатып суугаруу системасы, бочок, теплицалык пленка жана тактайчалар (рейка) менен камсыздалышты. Азыркы учурда күнөсканын ичине жашылчаларды, бадыраӊ, помидор, укроп, петрушка, өстүрүп түшүмдөрүн алып жатышат.

Мөмө-жемиштерди кургатуу боюнча класстерде – 2 АКК.  Алардын бирине долбоор тарабынан 40 даана жыгач поддондор алынып берилди. Дагы бир АККнын өзүнүн чакан ишканасында кургатылган өрүктөн накта өрүк шербеттерин чыгарып келет, өндүргөн продукциясына чакан долбоордон крышка/штамп этикеткалары сатып алынды.

Биогумус  өндүрүү класстеринде – 1 Айылдык Кызмат Көрсөтүүчү биогумус өндүрүү үчүн жерди казып даярдап койгон. Казылган жердин четтерин цементтеп, сөөлжандарды салууга даяр. Калифорниялык сөөлжандар берилди жана чуӊкурчаны даярдоого курулуш материалдары сатып алынып берилди.

Бүгүнкү күнгө чейин Айылдык Кызмат Көрсөтүүчүлөр үчүн жалпы 4 вебинар өткөрүлдү. Өтүлгөн вебинарлардын жана кошумча окуулардын негизинде өздөрүнүн топторуна, жергиликтүү элдерге 32 тренинг өтүштү.  Тренингке катышуучуларды жалпы саны – 636 адам. Анын ичинен 514 аялдар, ал эми 122 эркек.