2,970 Бардыгы /

Кыргыз Республикасынын тарыхында соңку кезде мындай дегеле болгон эмес! Өлкөбүздөгү эң жаш жана дагы абдан мыкты иштеп жаткан аткаминер – Өзгөн районуна караштуу Жалпак-Таш айыл өкмөтүнүн бошотулган башчысы Шайырбек АРЫНОВ өзүнүн жетекчиси – Өзгөн районунун акими Мурат Раматов менен кадимкидей соттошуп жаткан кербези. Буга улай аталган айыл өкмөтүнүн учурдагы башчысы – мурунку Өзгөн шаарынын вице-мэри Шакир Мамадалиев дээринен соо эместигин Өзгөн шаарынын тургундары дагы эми гана ачыкташып, дагыле канкакшап олтурушат.

Шайырбек АРЫНОВ, Өзгөн районуна караштуу Жалпак-Таш айыл өкмөтүнүн бошотулган башчысы: 

– Мен принцип үчүн өзүмдүн кынтыксыз таза экенимди эли-журтума далилдөө максатында гана Өзгөн районунун акими Мурат Раматовдун үстүнөн өзүнүн буйругун жокко чыгартууну талап кылып аргасыздан сотко кайрылдым. Анткени, мен  Жалпак-Таш айыл өкмөтүн жетектеп турганганымда, эч камчы салдырбастан гана иштедим. Бир дагы сөгүш укмак түгүл, эскертүү дагы алган эмесмин! Ошого карабастан акимибиз Мурат Раматов менин кызматымдан күтүүсүз жана жүйөөсүз бошотулушумдун чыныгы себебин мага жана дагы элет элине – жердештериме чечмелеп бергенге дегеле жараган жок. Ошондуктан мен аргасыздан чындык издеп, акыры Фемидага даттандым. Маселе менин пайдама чечилген күндө деле, мен айыл өкмөт башчылыгына кайтып барбаймын! Бирок өзүмдүн пакиза экенимди – актыгымды элимдин алдында баары бир далилдеймин. Мындай жоопкерсиздик, анан дагы мамлекеттик кызматттарды акчага соодаламай башка жетекчилерге дагы ачуу сабак болот ко деген терең ишеничтемин!