1,563 Бардыгы /

ЖАЛАЛ-АБАД. Масы, Кочкор-Ата, Бүргөндү базарларында эттин баасы мурдагы базар баасынан 10% төмөн наркта сатыла баштады.

Кыргыз Республикасынын Президентинин Жалал-Абад облусундагы ыйгарым укуктуу өкүлү А.Сыргабаевдин тапшырмасына ылайык, Ноокен райондук мамлекеттик администрациясы райондук ветеринардык башкармалыгы менен биргеликте жүргүзүлүп жаткан иштердин алкагында, калкка ыңгайлуу шарт түзүү максатында район аймагындагы касаптар менен сүйлөшүүлөр жүргүзүлүп, Масы, Кочкор-Ата, Бүргөндү базарларында эттин баасы 10% төмөн наркта: тагыраагы 500-520 сомдун ордуна, 1-августан баштап 470-480 сомдон сатыла баштады.

Мындан сырткары Масы айыл өкмөтүндө жана Кочкор-Ата шаарында социалдык дүкөндөрдү ачуу боюнча даярдык иштери жүрүүдө.

Эскерте кетсек, мындай социалдык дүкөн буга чейин Сузак районунда да ачылып, ишке берилген.