1,161 Бардыгы /

     БАТКЕН. Жаңы окуу жылы башталгандагына байланыштуу Баткенде милиция кызматкерлери окуучулардын коопсуздугун толук кандуу камсыздоо аракетин активдештиришти.

Баткен облустук ичи иштер башкармалыгынын басма сөз кызматынан билдиришкендей, Баткен облусунун аймагында окуу жылынын алгачкы күндөрү милиция кызматкерлери өз ара мектептерге бөлүнүшүп, окуучулардын толук кандуу коопсуздугун сактоо максатында окуучулардын, студенттердин, алардын ата-энелеринин, мугалимдеринин жана дагы окутуучулардын арасында ар тараптуу түшүндүрүү жарянын дагы ого бетер күчөтүштү. Маселен, милиция кызматкерлери окуучуларга өз алдынча тоолорго экскурцияларды уюштурууга, кафе-ресторандарда иш-чараларды өткөрүүгө таптакыр тыюу салынгандыгын дагы бир ирет эскертишип, ата-энелерден балдарына көзөмөлдү мындан дагы күчөтүүнү талап кылып жатышат. Мындан тышкары ата-энелерге балага көбүрөөк убакыт бөлүп, анан дагы сабактарын дыкаат текшерип турууну катуу эскертишүүдө.  Буга улай балдарга карата зордук-зомбулуктарды жасаган ата-энелерге жана жарандарга мыйзамда көрсөтүлгөн катаал жоопкерчиликтер бар экендигин дагы баса белгилешүүдө.

Ошентип, мектеп окуучуларынын коопсуздугун Ички иштер органдарынын балдар менен иштөө инспекциясынын кызматкерлери дагы туруктуу көзөмөлдөшүп,  бул өңүттө күчөтүлгөн тартипте иш алып барышууда. Мындан тышкары аталган аймактарда коомдук тартипти көзөмөлдөө, ар кандай чагымчыл аракеттерге жол бербөө максатында милиция кызматкерлери калк  арасында түшүндүрүү жараянын дагы күчөттү.

Алишер ТОКСОНБАЕВ, өз кабарчы