1,344 Бардыгы /

Казакстанда казак тили темасынын айланасында кайрадан жаңжал жаралды. Буга Forbes версиясы боюнча казакстандык таасирдүү 50 ишкердин катарына кирген Рамиль Мухоряповдун сөзү себеп болду.

Chocofamily Holding компаниясынын негиздөөчүсү Мухоряпов Алматыда өлкөгө келген мигранттардын алдында сөз сүйлөп жатып, Казакстанда орус тилин билип туруп, казак тилинде сүйлөгөндөрдү сындап, муну “улутчулдук менен маданиятсыздыктын белгиси” деп атаган. Ишкердин сөзүнө соцтармактардын колдонуучулары катуу теригип, компаниянын кызматынан пайдалануудан баш тартуу чакырыгы башталган.

Мухоряпов актанууга аракет жасап, жеке өзү казак тилин дайыма сыйлап келгенин айткан. Коомчулук арасында каардануу күчөп, бул бизнесине олуттуу кедерги тийгизерин көргөндөн кийин кечирим сураган видеокайрылуу жарыялады.

“Видео кимди ыза кылса, баарынан кечирим сурайм. Мен аны кайра көрүп чыктым. Чынында эле өтө кескин жана орой айтылып калыптыр. Мен Казакстандын жаранымын, Алматыда туулуп өскөм. Биз бул жерде компания курдук. Кызматкерлердин 99% – казакстандыктар. Бул жерде салык төлөйбүз. Мен казак тилинин өнүгүшү канчалык маанилүү экенин билем”, – деди ал.

Бул арада соцтармактардын колдонуучулары компаниянын сайттарынын казакча версиясы жок экенине да көңүл бурушкан. Chocofood’дун PR менеджери жакын арада бардык сервис казак тилине которуларына убада берди.

WWW.