1,266 Бардыгы /

БАТКЕН. Бишкек шаарындагы Биринчи Элдик Курултайга Баткен облусунан 71 делегат шайланды. Мындай чечим жуман соңунда жергиликтүү курултайлардын жыйынтыгында гана ачыкталды.

Делегаттар жергиликтүү курултайда негизги үч маселени иргеп  алышты. Аталган жыйында Биринчи Элдик Курултайдатаза суу, сугат суу маселеси, Жерлерди которуу, социалдык обьектилерди куруу, же аймактардын инфратүзүмдөрүн жакшыртуу өңдөнгөн маселелерди  көтөрүү жагы сунуш этилди.

 Баса, 2022-жылдын 15-октябрынан  25-октябрына чейин өлкө аймактарында жергиликтүү курултайдын делегаттарын тандоо өткөрүлүп, облус боюнча жергиликтүү курултайга 3857 делегат шайланган. Биринчи Элдик Курултай Бишкек шаарында 25-ноябрда өткөрүлөт.  Ага өлкө аймактарынан шайланышкан 1074 делегат катышмакчы.

Алишер ТОКСОНБАЕВ, өз кабарчы