2,484 Бардыгы /

          ОШ. Ош облусуна караштуу Ноокат районунун «Кадастр» мамлекеттик мекемесинин жооптуу кызматкерлери кармалышты. Бул туурасында Кыргыз Республикасынын УКМКсынын басма сөз кызматынан билдиришти.

          Маалыматка караганда, Ноокат районундагы Жаңы-Ноокат жана А.Мирмахмудов айыл өкмөттөрүндө жайланышкан 65 гектардан ашык жер аянтын жеке турак жай куруу үчүн айыл чарба жерлерин жер тилкелерине трансформациялоосуз жер тилкелерин мыйзамсыз берүү фактылары акыры аныкталды. Мунун негизинде Ош облусунун Ноокат райондук «Кадастр» мамлекеттик мекемесинин жооптуу кызматкерлери жоопкерчиликтен качуу максатында УКМКнын кызматкерлерине пара берүүгө аракет кылышты. Ошентип үстүбүздөгү 2-июнунда УКМКнын кызматкерлери тарабынан Кыргыз РеспубликасынынКылмыш-Жаза Кодексинин 345-беренесинин 2-бөлүгүнүн 2-пункту (пара берүү) менен мурда козголгон кылмыш ишинин алкагында, Ноокат районунун «Кадастр» мамлекеттик мекемесинин жерге жайгаштыруу бөлүмүнүн башчысы Н.М. жана жетектөөчү адис К.у.К. УКМКнын кызматкерине 200 миң сом өлчөмүндө акча каражатын пара катары берип жаткан учурунда кармалышты.

          Кыскасы, кармалгандар Ош шаардык ИИБ убактылуу кармоочу жайына дароо киргизилди.Ушул тапта бул коррупциялык схемага тиешеси бар бардык адамдарды аныктоо максатында жерди алдаган бир нече фактыларды документтештирүү боюнча тергөө амалдары жүрүп жатат.

          Алишер ТОКСОНБАЕВ, өз кабарчы