348 Бардыгы /

Ушул тапта Ош шаарынын мээриясына караштуу Муниципалдык менчик башкармалыгы Амир Темир Аймактык башкармалыгына караштуу Пушкин атындагы орто мектептин ичине салынган мыйзамсыз обьектилерди демонтаж кылып жаткан чагы. Анткени, аталган аймак Ош шаарындагы Төлөйкөн айыл өкмөтүнө карачуу.

Ошентип, ушул тапта Ош шарындагы Пушкин атындагы орто мектептин жанына салынган турак жайлардын эшиктери бүтүндөй жаптырылды. Демек, аталган билим журтунун 200 м2 бошотулду. Мындан тышкары буларга улай салынып жаткан үч кабаттуу балдар бакчасынын мыйзамдуулугун дагы аныктоо максатында тиешелүү органдары каттар жөнөтүлдү. Кыскасы, Кыргызстандын Түштүк башкалаасындагы эң ири мектептин айлана-тегереги мындан ары толук кандуу тартипке келтирилмекчи.

Айтмакчы, ушул тапта Ош шаарындагы 56 мектептин 31инин аймагында мыйзамсыз жайлар курулган. Ошондуктан, булардын баарын тең кылдат териштирип, ал эми жерлерди мыйзамдуу ээлерине кайтаруу жагы активдештирилди.

Алишер ТОСКОНБАЕВ, өз кабарчы