237 Бардыгы /

ОШТО ЭЛ АРАЛЫК МАңЗАТ ТОБУНУН МҮЧӨЛӨРҮ КАРМАЛЫШТЫ

Ошто эл аралык маңзат тобунун мүчөлөрү 7,7 кило маңзаты менен кармалышты. Бул туурасында Улуттук коопсуздук мамлекеттик комитетинен билдиришти.

УКМК Тажикстан – Кыргызстан – Өзбекстан багыты боюнча эл аралык маңгизат каналын уюштурган жана Ош облусунун жашоочуларына маңзат таратуу менен тынымсыз алектенген Ош облусунун айрым тургундарынан куралган уюшкан кылмыштуу маңзат тобун аныктады.

Тактап айтканда, 1960-жылы туулган У.Д.У. аттуу кылмыштуу схеманын уюштуруучусуаңгизатын Ош облусуна жана Өзбекстангна сатуу максатында Тажикстандан алып келүү каналын түзгөндүгү аныкталды. Кыргызстандын аймагына кирген маңзаттар анын шериги 1961-жылы туулган Ж.Х.Т. аттуу (мурда маңзатын сатуу үчүн соттолгон) жарандын үйүндө сакталып, ал Ош облусунун тургундарынын ичинен сатып алуучуларга, же Өзбекстанга маңзатын ташып бара жаткан маңзат жеткирүүчүлөрүнө берүү үчүн таразага тартуу жана таңгактоо менен алектенген.2024-жылдын 8-июлунда узакка созулган ыкчам комбинациянын натыйжасында У.Д.У. гана маңзат каражаттарын сатып алуучу У.Б.Ч. кармалды. Булар Өзбекстанга маңзат каражаттарын өткөрүп берүүнү көздөшкөн.

Жеке тинтүүнүн жүрүшүндө У.Д.У. аттуу жарандан жалпы салмагы 250,77 грамм чайыр кара куурай (гашиш) брикети, ал эми У.Б.Ч.дан жалпы салмагы 555,34 грамм чайыр кара куурай (гашиш) брикети табылды.

Мындан тышкары маңзат каналынын уюштуруучусунун шериги жашынуучу жай катары колдонулган Ж.Х.Т. аттуу жарандын үйүндө дагы ыкчам тинтүү иштери жүргүзүлүп, андан 6 кг 905,47 грамм салмактагы 7 брикет кара куурай чайыры (гашиш) табылды.

Ошентип, тыкыр жүргүзүлгөн иликтөө иш-чараларынын алкагында гана Кыргыз Республикасынын жарандары У.Д.У., У.Б.Ч. жана Ж.Х.Т. сатуу максатында маңзатын сактап жүргөндүгүн мойнуна алып, Кыргыз Республикасынын Кылмыш-процессуалдык кодексинин 96-беренесинин жана 97-беренесинин негизинде Кылмыш-Жаза Кодексинин 282-беренесинин 3-бөлүмүндө каралган кылмышка шектелип кармалып, Кыргыз Республикасынын УКМКнын убактылуу кармоочу жайына киргизилди.

Ушул тапта аталган кылмыш иши боюнча тергөө иштери улантылып, иштин бардык жагдайларын жана башка тиешеси бар адамдарды дагы аныктоого багытталган тиешелүү ыкчам-иликтөө иш-чаралары кызуу жүргүзүлүүдө.