345 Бардыгы /

Алдын ала маалымат боюнча, нөшөрлүү жаандын кесепетинен Кадамжай районунун Майдан айыл аймагынын Майдан айылындагы Чокой, Гараж, Шамбесай, Анипа, Акчечек, Кызыл-Булак сел өткөрүүчү сайларында сел суулары жүрүп, ички чарбалык жолдорду кум шагалга толтурган. 7 турак үйдүн жертөлөсүнө, 23 огород участкага сел суулары кирген. Жеринде 10 куткаруучу сел сууларын сордуруу жана сел кесепеттерин жоюу иштерин жүргүзүүдө. Мындан маалыматты ӨКМдин басма сөз кызматы билдирди.

Маалыматка ылайык, Кадамжай райондук ӨКБнүн башчысы баштаган ыкчам топ, 1 мотопомпа, 3 техника, жергиликтүү бийликтен 7 жаран, айыл аймактан 1 экскаватор, ЖТИнан 1 жүктөгүч жана ДЭПтен 4 техника аймакта сел кесепеттерин жоюу иштерин аткарууда.

Ал эми “Дугаба” эс алуучу жайына кеткен жолду калыбына келтирүүгө эрте менен 2 техника тартылат.

Бактыга жараша жабыр тарткандар жок.

Кошумча маалымат берилет.