384 Бардыгы /

Баткен облусундагы Кадамжай районуна караштуу Ничке-Суу кенинен алтын рудасын мыйзамсыз ташыган төрт киши акыры кармалды. УКМК тараткан маалыматка караганда, ушул тапта бул кыңыр ишке тиешелүүлөрдү табуу жана чыгымдын көлөмүн аныктоо боюнча иликтөө жүрүп жаткан чагы.

Атайын кызматтан маалымдашкандай, шектүүлөр ушул жылдын апрель айынан тартып июлдун соңуна чейин лицензиясыз эле алтын руданы үй шартында иштетүү максатында ири өлчөмдө жашыруун алып чыгып турушкан. Тергөө-иликтөө кендин аймагынан тереңдиги беш метрге чейин, туурасы үч, узундугу 57 метр жер казылгандыгын аныктады. Июлдун соңунда Баткен райондук сотунун чечими менен алар кармалышып, эки айга тергөө абагына отургузулду.

Ушул тапта бул кыңыр ишке тиешеси бар башка адамдарды дагы табуу, териштирүү жана чыгымдын көлөмүн аныктоо боюнча иликтөө кызыды.

Алишер ТОКСОНБАЕВ, өз кабарчы