513 Бардыгы /

        Көптөгөн жылдар бою ОшТУда үзүрлүү гана эмгектенип, өмүрүн жана тажрыйбасын аталган жогорку окуу жайына аябастан арнап келатышкан окутуучулар тобу ушул тапта көгүлтүр Ысык-Көлдө дадил эс алып жатышат. Бул туурасында ОшТУнун ректору Жанболот Турсунбаев билдирди.  

-Баса, окутуучуларды ОшТУнун жетекчилиги иргеген жокпуз! Эже-агайлар университетибиздин факультеттери жана коллеждери тарабынан гана сунуш этилди. Демек, эмгек алдыңкыларын гана тандадык. Булардын эс алуусу ОшТУнун кесиптик бирлик уюму тарабынан толук кандуу каржыланды, – деп кошумчалады ОшТУнун ректору Жанболот Турсунбаев.

Айтмакчы, ОшТУнун алдыңкы агартуучулары ушул тапта көгүлтүр Ысык-Көлдүн “Дельфин” пансионатында татыктуу эс алып жатышат.

Алишер ТОКСОНБАЕВ, өз кабарчы