135 Бардыгы /

Кыргызстандын Түштүк башкалаасындагы селден катуу жапа чегишкен үй-бүлөлөрдүн балдары ушул тапта Ош шаарындагы жападан жалгыз «Жеткинчек» балдар лагеринде гана эс алып жатышат. Буларга ошондой эле психо-социалдык көмөк дагы такай көрсөтүлүүдө.

Ошентип, быйыл жайдын ортосундагы нөшөрлөп төккөн жамгыр акыры селге айланган. Мунун кесепетинен Ош шаарындагы бир катар үй-блөлөр абдан эле катуу жапа чегишти. Ошондуктан, Ош шаарынын мэриясы буларга атайын камкордук көрүп, а түгүл 100 баланы калаа четиндеги «Жеткинчек» лагеринен эс алууга жөнөткөн.

Ош шаарынын чекесиндеги «Жеткинчек» лагеринде эс алуу маалында бөбөктөргө педагогдор ар тараптуу көмөк көрсөтүшүп, а түгүл мектепке дагы даярдап жатышат. Ал эми псиологдор жана медициналык кызматкерлер дагы буларга эң зарыл кызматтарды көрсөтүп атышкан чагы.

Алишер ТОКСОНБАЕВ, өз кабарчы